KOHHRAN THUTHAR – 07.04.2019 PATHIANNI

# PRESBYTERIAN THUTHAR :* Mizoram Presbyterian Kohhran chuan kum 2018-2019 chhunga budget hrang hranga sum a hmuh dan a chhut chhuak ta a, a pumpuia budget a khumna zat chu vaibelchhe 46 chuang a tling a. Kum 2018-19 budget leh head hrang hranga sum hmuh zat, khumna zat leh za zela hmuh zatte chu, hetiangin :-
I. PASTORAL1. Pathian Rama) Pathian Ram-ah 2018-19 budget Rs. 85,39,69,000/- (vbc 85 nuai 39 sing 6, sang 9) niin, sum hmuh zat Rs. 1,13,83,96,354/- (vbc 113 nuai 83 sing 9 sang 6, 354) a ni a, budget khumna zat Rs. 28,44,27,354/- (vbc 28 nuai 44 sing 2 sang 7, 354) a ni a, za zela hmuh zat 133.31 a ni.
b) Buhfaitham-ah 2018-19 budget Rs. 15,82,50,000/- (vbc 15 nuai 82 sing 5) a ni a, sum hmuh zat Rs. 17,78,98,230/- (vbc 17 nuai 78 sing 9 sang 8, 230) a ni a, budget khumna zat Rs. 1,96,48,230/- (vbc 1 nuai 96 sing 4 sang 8, 230) a ni a,  za zela hmuh zat 112.42 a ni.c) Sakramen-ah 2018-19 budget Rs. 65,00,000/- (nuai 65) a ni a, sum hmuh zat Rs. 82,43,762/- (nuai 82 sing 4 sang 3, 762) niin, budget khumna zat Rs. 17,43,762/-  (nuai 17 sing 4 sang 3, 762) a ni a, za zela hmuh zat 126.83 a ni.d) Sunday School-ah 2018-19 budget Rs. 48,00,000/- (nuai 48)  a nih laiin,  sum hmuh zat Rs. 51,10,010/- (nuai 51 sing 1 leh 10) a ni a, budget khumna 3,10,010/- (nuai 3 sing 1 leh 10) a ni a, za zela hmuh zat 106.46 a ni.e) Inneihna-ah 2018-19 budget Rs. 3,00,000/-  (nuai 3) a nih laiin Rs. 3,00,890/- (nuai 3 leh 890) hmuh a ni a, budget khumna zat Rs. 890/- niin, za zela hmuh zat 100.30 a ni.2. Designated -ah  2018-19 budget Rs. 37,00,000/-  a ni a, sum hmuh zat 47,47,157/- (nuai 47 sing 4 sang 7, 157) a ni a, budget khumna zat Rs. 10,47,157/-  (nuai 10 sing 4 sang 7, 157) a ni a, za zela hmuh zat 128.30 a ni.3.Hmuhna dang-ah 2018-19 budget Rs. 4,12,44,000/- (vbc 4 nuai 12 sing 4 sang 4) a ni a, sum hmuh zat Rs. 5,69,38,193/- (vbc 5 nuai 69 sing 3 sang 8, 193) a ni a, budget khumna zat Rs. 1,56,94,193 (vbc 1 nuai 56 sing 9 sang 4, 193) a ni a, za zela hmuh zat 138.05 a ni. Pastoral Total : 2018-19 budget Rs. 1,06,87,63,000/- (vbc 106 nuai 87 sing 6 sang 3) niin, sum hmuh zat Rs. 1,39,16,34,596/- (vbc 139 nuai 16 sing 3 sang 4, 596) a ni a, budget khumna zat Rs. 32,28,71,596/-(vbc 32 nuai 28 sing 7 sang 1, 596) a ni a, za zela hmuh zat 130.21 a ni.
II. MISSION1. Ramthar-ah 2018-19 budget Rs. 91,82,61,000/- (vbc 91 nuai 82 sing 6 sang 1) a ni a, sum hmuh zat Rs. 1,05,45,33,852/-  (vbc 105 nuai 45 sing 3 sang 3, 852) a ni a, budget khumna Rs.13,62,72,852/- (vbc 13 nuai 62 sing 7 sang 2, 852) a ni a, za zela hmuh zat 114.84 a ni.2. Hmuhna dang-ah 2018-19 budget Rs. 2,73,74,000/- (vbc 2 nuai 73 sing 7 sang 4)  a ni a, sum hmuh zat Rs. 3,36,28,002/- (vbc 3 nuai 36 sing 2 sang 8 leh 2) a  ni a, budget khumna zat Rs. 62,54,002/- (nuai 62 sing 5 sang 4 leh 2) a ni a, za zela hmuh zat 122.85 a ni. Mission Total  : 2018-19 budget Rs. 94,56,35,000/- (vbc 94 nuai 56 sing 3 sang 5), sum hmuh zat Rs. 1,08,81,61,854/- (vbc 108 nuai 81 sing 6 sang 1, 854), budget khumna zat Rs. 14,25,26,854/- (vbc 14 nuai 25 sing 2 sang 6, 854), za zela hmuh zat 115.07 a ni.
RECEIPT GRAND TOTAL : PASTORAL LEH MISSION 2018-19 budget zat Rs. 2,01,43,98,000/- (vbc 201 nuai 43 sing 9 sang 8) a ni a. A pumpuia sum hmuh zawng zawng Rs. 2,47,97,96,450/- (vbc 247 nuai 97 sing 9 sang 6, 450) a ni a; a pumpuia budget khumna zat Rs. 46,53,98,450/- (vbc 46 nuai 53 sing 9 sang 8, 450) a ni a, a pumpuia za zela hmuh zat 123.10 a ni.
@ Synod hian head tinah 2018-19 budget a khum fai vek a, dan tlangpuiin budget hi khum kumtin mahse head thenkhatah chuan budget phak lohna a awm fova. Tun tumah hian budget a khumna tlem ber Inneihna-ah Rs. 890 chiahin a khum a, head dangah chuan budget a khumna hi a sang viau hlawm a ni.
* Mizorama Harhna thlen Ni champha April 4 chu Kohhran hrang hrangah hman a ni a, Synod hnuaia Office hrang hrang pawh an chawl. Mizorama Harhna lo thlen hmasak hun hi Synod chuan uluk taka a zirchian hnuah kum 1982 Synod Inkhawmpui chuan April 4, 1906 hi Zorama Harhna lo thlen hmasak ni atan a pawm a, heta tang hian April 4 hi Harhna Thlen Ni atan hman a ni ta thin. Kum 2006 khan Harhna thlen kum 100-na pawh Kohhran hoten ropui takin an lo lawm tawh bawk a ni.Kumin hi Harhna thlen kum 113-na a ni a, Mizoram Presbyterian Kohhran chuan inkhawm tum khat atan programme siamin Thupui inang tlang “Min tiharh leh ta che” Sam 85:6 leh Tirhkohte 2 : 38 – 41 tlawh chhanin zirho a ni. Kohhranhoten Synod-in Programme a duan lawk angin zan inkhawmah he hun hi urhsun takin an hmang a ni.
* Moderator leh Executive Secretary-te Programme:Rev. R. Lalhmingthanga : Moderator chuan April 9 – 29, 2019 chhung khian International Choral Festival & Wales Kohhran tlawhin hun a hmang ang.Senior Executive Secretary Rev. Lianhmingthanga Sailo chuan vawiin leh naktuk ah te  hian N. Vanlaiphai Damdawi Veng Jubilee a hmanpui ang.Executive Secretary Rev. B. Sangthanga chuan April 13, 2019-ah Chhiahtlang Pastor Quarters hawnna hun a hmang ang a, April 14 (Pathianni) zanah Nursery Venglai Kohhranah hun a hmang ang.Rev. K. Lalrinmawia, Executive Secretary chuan Office a nghak a, hmun dangah a chhuak lo vang.
# BCM THUTHAR* Vawiin April 7, 2019 Pathianni Chawhma dar 10:00 hian Hnahthial Bazar Biak Inah Missionary Tirhchhuah Inkhawm buatsaih a ni dawn a. Jharkhand Field Director tur Rev. K. Lalhnehliana te chhungkua chu tirhchhuah an ni ang.
Missionary Tirhchhuah Inkhawm hi Rev. B. Lalrinawma, Mission Coordinator-in a kaihruai ang a, Rev. Pc. Liandula, BCM President-in a tirchhuak ang. Rev. R. Zohmingliana, AGS i/c Service in thuchah a sawi thung dawn a ni. Mission Promoter Upa HL Liantluanga’n Inhmelhriattirna a nei ang a, Missionary tirhchhuah tur Rev. K. Lalhnehliana hnen atangin Testimony ngaihthlak a ni ang. Hnahthial North, Hnahthial Bazar, Hnahthial South Pastor Bial Zaipawl te bakah Nl. C. Vanlalpeki ten Pathian fakna hla an sa ang a, Rev. Rodinmawia Ralte, Bialtu Pastor-in Malsawmna-in hun a khar ang.
September 19,1975-a Hnahthial-a lo piang Rev. K. Lalhnehliana hi a pa chu K. Thanghluana a niin a nu chu Rongêngi a ni. Kum 2008-ah C.Lalrinsangi nen innneiin fapa 1 leh fanu 2 an nei a, an fa u ber hi kum 10 niin an la chhangchhiat lai a ni ve a ni. Kum 2005-ah AICS, Aizawlah BD a zo a, kum 2006-ah Pastor atan lak niin AICS-ah Ministerial Training a zawh hnu-ah Parva Bial, Lunglei Bazar Bial leh Pangzawl Bialah te Pro Pastor niin Executive Secretary, Lawngtlai-ah Office lam hna te a thawk bawk. Kum 2008-ah Minister atan Ordain niin Phawngpui ‘S’ Pastor Bial leh tunah hian  Mualthuam North Pastor Bial te a enkawl tawh a, Mualthuam North atang hian  Jharkhand hi a pan dawn a ni.
* April 12, 2019 khian BCM hruaitute chuan Sap Upa leh Pu Buanga Hall-ah Charge an in hlan dawn a, hruaitu tharte hian April 15 atangin an hna thar an luah nghal dawn a ni.   
2019-2022 BCM Hruaitu turteBCM Puipate: President : Rev. Pc LiandulaPresident Elect : Rev. Dr. K. LalrinthangaGeneral  Secretary : Rev. F. RamdinmawiaAssociate General Secretary, Mission : Rev. Dr. C. ValaldikaAssociate General Secretary, Service : Rev. R. Lalbiakliana     Executive Secretaries: Executive Secretary : Aizawl Area : Rev. Dr. R. LalthanmawiaExecutive Secretary : Lawngtlai Area : Rev. R. Lalnunzira  Head of  Departments: Pastoral Coordinator :  Rev. C. ChhuntluangaMission Coordinator :  Rev. R. LalthanglianaDirector, Christian Education :  Rev. ZD RodinglianaDirector, Communication   : Rev. Dr. LalzarlianaDirector, Education  : Rev. L. VanlalsangaDirector,  Finance Dept. :  Rev. Lalramngheta ChhangteDirector, Social Concern Dept. : Rev. Sangliankhuma ChinzahDirector, Worship & Music  : Rev. Lalremsiama RaltePrincipal, AICS    :   Rev. Dr. Vanlalchhawna KhiangteDirector, FOD :  Rev. F. Ramdinmawia, GSGeneral Manager, BLP  :  Rev. R. Lalbiakliana, AGS i/c ServiceMedical Superintendent  : Upa Dr. LalramzauvaDirector, R&D :  Pu Lalrinawma
* Rev. F. Ramdinmawia, General Secretary chu March 26 Thawhlehni khan Mizoram Baptist Federation Committee Meeting neiin Lawngtlaiah a kal a. Meeting hi LIKBK Committee Hall, Lawngtlaiah neih a ni. Meeting tluang takin an nei. Hemi ni vek hian Christian Hospital Lawngtlai Ambulance thar Lawngtlai Area TKP-in an lei sak chu Pathian hnenah a hlan bawk. March 27-ah Medical & Health Department Committee Meeting-ah telin, March 30 Inrinni khan Phaileng Kohhran Biak In thar a hawng leh a ni.
# UPC NEI THUTHAR* April ni 3, Nilaini khan North East India UPC, General Mission Department chuan Advertisement a chhuah angin General Missions Field a thawk turin Missionary pahnih a la thar a, an awmna hmun tur leh tul dang chu General Missions Board in a ngaihtuah dawn a ni. Missionary atana lak thar te chu: – Bro. H. Israela, Lawngtlai Vengpui, Chhimtuipui District- Evan J.Malsawmdawnga, Siaha Tlangkawn, Chhimtuipui District  * April ni 3 Nilaini khan North Mizoram District Mission  Board chu Director Rev. C. Lalthantluanga kaihhruaiin; North Mizoram District Hqrs. kohhran Biak in-ah neih a ni.District Mission Board-ah hian rorel pahnih neiin North Mizoram District Home  Missionary thar lak leh Missionary Transfer and Posting khawih a ni a, Missionary hna dil hi mi 7 (pasarih) awmin, diltu 7 awm zingah Vanlalawia chu Missionary atan lak thar a ni.Hemirual hian Home Missionary Transfer and Posting khawih nghal niin; Missionary Transfer and Posting tih dan chu :-1) Evan. Vanlalawia : Marpara Mission Field.2) Evan. Rampanmawia: Damdiai Missions Field3) Sist. Lalsiamliani; Zomuantlang Missions Field-ah  * April ni 1, Thawhtan zan khan Serchhip Biakinpui PYD te chuan member 100 inkhawm tlin, Project 100 hlawhtling takin an hmang. Upa H.Lalduhawma, Adviser chuan kaihruaiin Pastor B.Lalengzauva hnen atangin thusawi ngaihthlak a nih bakah Bro. C.Malsawmzuala, President hnen atangin fuihna thu tha tak ngaihthlak a ni bawk. Biakinpui PYD ten Project 100 an hmanah hian Bial PYD Secretary T.Upa Lalmuanawma hnen atangin thusawi tawi ngaihthlak a nih bakah bial zaipawl, Biakinpui zaipawl leh Sis. H.Lalhunsangi ten zaia rawngbawlna an nei a. Project 100 an hmanah hian member 104 vel an inkhawm tling a ni. Tunah hian Biakinpui PYD-ah hian PYD Member 165 an awm mek a ni. 
* Aizawl East District, Upper Republic Bial Missions Department te chuan an rorel bawhzuiin April 2, Thawhlehni khan Redeem Hospital, College Veng-ah Hospital dawrtute tana tangkai turin Thutthleng sei 5 (panga) an hlan. He hunah hian Bial Missions Department hruaitute bakah Bialtu Pastor, Rev C.Lalengliana te telin Evan Lalnunzira’n Hospital hruaitute hnenah thutthleng hi a hlan a ni. 
# MIZORAM UPC THUTHAR * Upa Andrew Laldingliana, Executive Chairman chu April ni 4-9 chhung hian Hmawngbu Bial thar hawn tur enfiahin a zinchhuak.
Rev.F.Lalnghakliana Chairman leh Rev C. Ramsangvawra Secretary, General Sunday School Dept te chuan April ni 6 Inrinni khan Sakawrtuichhun kohhranah Chawlhhmun Bial Sunday School Deptt. Seminar an neihpui.
* April ni 3 Nilaini khan Planning & Financial Board chu Conference Hall, General Headquarters Office Tuikhuahtlangah an thukhawm a, meeting hi Upa J.Lalramliana, Chairman, Planning & Financial Board chuan a kaihruai.Meeting-ah hian General Sunday School Deptt. atanga dilna lut, Deptt motor leh Secretary Computer leina te, Media & Publicity Board atanga Computer, Camera leh accessories hrang hrang lei dilna te, Education Board atanga School sakna tur dilna te leh Press Board atanga MR lakna tur leh Printer lei dilna lo lutte an ngaihtuah a, heng bakah hian Tripura District Supervisor hman tur two wheeler lei dilna te an ngaihtuah bawk a ni.

(Zonet Zing Daifim Report updated)

4 Comments on "KOHHRAN THUTHAR – 07.04.2019 PATHIANNI"

  1. Your comment is awaiting moderation.

    Propecia Side Effects Health Forum Meilleur Site Achat Cialis cheap cialis online Comprare Viagra Senza Ricetta Italia

  2. Your comment is awaiting moderation.

    Levitra Selbsthilfe Buying Cialis Online Mexico Online Pyridium Purchasing Worldwide With Free Shipping viagra Isotretinoin Cash Delivery

  3. Your comment is awaiting moderation.

    Buy Levitra 20 Mg Online Viagra Commander France canadian cialis Effetti Collaterali Propecia

  4. Your comment is awaiting moderation.

    Pharmacy Online Without Prescription Generique Cytotec Viagra Einzelne Pillen Kaufen cialis 40 mg Propecia Viagra Acquista 12 Amps Of Keflex For Nauseating

Leave a comment

Your email address will not be published.


*


Share